إيثان مبابي موسم صعب مع ليل وإصابه جديده تنهيه بدري
يعيش اللاعب الشاب إيثان مبابي، أخو النجم كيليان مبابي، موسم أول صعب جدًا مع فريقه الجديد ليل، بعد ما انضم ليه ببلاش من باريس سان جيرمان في الصيف اللي فات.
صحيفة ليكيب قالت إن اللاعب البالغ 18 سنه اتعرض لكمية إصابات كتير، منها الكاحل وعضلات الفخذ والعضلات المقربة، وده خلاه يشارك في 14 ماتش بس من بداية الموسم.
المشكلة كمان زادت بعد ما أصيب في أوتار الركبة في الماتش اللي كان ضد أنجيه الأسبوع اللي فات، وخرج من الملعب بعد 3 دقايق بس من نزوله كبديل.
التقارير بتأكد إنه هيحتاج يدخل عملية جراحية، والموضوع كده معناه إن موسمه انتهى رسمي، وهيغيب كذا شهر عشان يتعافى كويس.
إيثان كان مضى مع ليل عقد لمدة 3 سنين، لكن بدايته ماكنتش موفقة خالص، وسوء الحظ لازمه من أول خطوة.
الجمهور كان مستني يشوف منه مستوى يليق باسمه، لكن للأسف الإصابات لعبت دور كبير في تعطيل انطلاقته دلوقتي كل الآمال على إنه يرجع أقوى بعد فترة التأهيل.
