3 لاعبين في ليفربول مهددين بعدم الحصول على ميدالية التتويج
بعد فوز ليفربول الكبير على توتنهام 5-1 الأحد اللي فات، واحتفاظه بلقب الدوري الإنجليزي الممتاز هذا الموسم، في ظل تصدره الجدول بفارق 15 نقطة عن أرسنال، 3 لاعبين في الفريق مهددين بعدم الحصول على ميدالية التتويج.
ووفقًا لقوانين الدوري الإنجليزي، الفريق البطل يحصل على 40 ميدالية، ودي هتتوزع على اللاعبين والطاقم الفني، بشرط إن أي لاعب يكون شارك في 5 مباريات على الأقل من الدوري في نفس الموسم.
وحسب موقع الدوري الإنجليزي الرسمي، فيه 21 لاعب من ليفربول وصلوا للعدد المطلوب من المباريات، وبالتالي هيتسلموا ميداليات التتويج لكن في 3 لاعبين لسه ماوصلوش للعدد ده، وهم فيدريكو كييزا اللي لعب 4 مباريات، وده يعني محتاج يشارك في ماتش تاني علشان يحصل على ميدالية.
كمان جايدن دانز وفيتيسلاف جاروس شاركوا في ماتش واحد بس، ودي فرصة أخيرة ليهم في المشاركة في الـ4 مباريات الجاية علشان يحصلوا على ميداليات.
في المقابل، 3 لاعبين فقدوا فرصتهم تمامًا بعدم مشاركتهم في أي ماتش خلال الموسم، وهم تايلر مورتون، تري نيوني، وجيمس ماكونيل.
