رازفان على أبواب الهلال من جديد.. هل يرجع المجد الأزرق؟
شكلو نادي الهلال ناوي يقلب الطاولة من جديد، وده باين من التحركات اللي بتحصل في الكواليس واسم المدرب الروماني رازفان لوتشيسكو رجع يتردد بقوة، وبقى مرشح أول لخلافة البرتغالي خورخي جيسوس، بعد ما الإدارة شافت إن الفريق محتاج لواحد يعرف الدار وأهلها كويس.
رازفان مش غريب على الهلال، ده راجل حقق معاهم ثلاثية تاريخية محدش ناسيها: الدوري، الكأس، ودوري أبطال آسيا، وده لحاله كفيل يخلي الجماهير ترحب بيه بقلبها قبل عقلها والإداره، بحسب مصادر، عرضت عليه عقد مدته موسمين ونص، والراتب يوصل لـ3 مليون يورو بالسنة، مع حوافز ترفع الرقم لـ4 مليون لو جاب بطولات.
اللي يخلي الصفقة دي محمسة إن لوتشيسكو فاهم الأجواء كويس، وعنده علاقة طيبة مع اللاعيبة والجمهور، وده عنصر مهم في أي مدرب جاي.
الإدارة لسه ما قالت كلمتها الأخيره، لكن واضح إنها قريبة من الحسم. هل يرجع رازفان ويكتب فصل جديد من النجاح؟ ولا الهلال عنده اسم تاني في البال؟ الأيام الجايه هتجاوب.
