أحمد سعد يدعي من مقام أبو حنيفه ويطلب الشفاعة من الرسول
نشر الفنان أحمد سعد فيديو ليه وهو واقف بيبتهل ويدعي قدّام مقام الإمام أبو حنيفه النعماني في بغداد، وده خلال زيارته للعراق، واللي واضح إنها كانت روحية أكتر منها فنية.
وكتب أحمد سعد تعليق على الفيديو اللي نزله على صفحته الرسميه وقال: “من مقام سيدي أبو حنيفه النعماني، في بغداد، اللهم إلحقنا بيهم، عند حوض رسول الله، صلوا عليهم”، في اشاره منه للدعاء بالشفاعة والرحمه.
الفيديو لقى تفاعل كبير من جمهور أحمد سعد اللي دايمًا بيشاركه لحظاته الشخصيه والروحيه، خصوصًا في الأماكن المقدسه.
يُذكر إن أحمد سعد كان نزل أغنية جديده من كام أسبوع باسم “خط أحمر”، ودي كانت دعم واضح وصريح لقرار مصر برفض تهجير الشعب الفلسطيني من أرضه، واعتبرها الجمهور أغنيه وطنيه فيها رساله مهمه.
أحمد سعد من الفنانين اللي دايمًا بيظهروا الجانب الديني والوطني في أوقات ومواقف مختلفه، سواء من خلال غُناه أو من زياراته للأماكن المقدسه، وده بيخلي جماهيره تحس بقُربه وإنه مش بس بيغني، لكن كمان عنده رسالة.
