تامر حسني يشعل زفاف جماعي بـ200 عروسة في سيدي عبد الرحمن
شارك النجم تامر حسني في ختام فعاليات “أسبوع الخير” اللى اتعمل لدعم الاسر الاكثر احتياجا، واللي كان فيه فرحة كبيرة بزفاف جماعي لـ200 بنت في سيدي عبد الرحمن بمدينة العلمين الجديدة، وكان الحفل بحضور محافظ مطروح اللواء خالد شعيب، وكمان كوكبة من الفنانات زي ليلى علوي، وإلهام شاهين، وفيفي عبده، ووفاء عامر، والإعلامية هالة سرحان، وأميرة حسن مختار بنت الفنانة رجاء الجداوي.
الحفل كان مليان بهجة وفرحة، وتامر حسني ولع الدنيا بعدد من أغانيه اللي الجمهور حفظها، ومع مؤثرات نارية fire works من أحمد عصام، كانت الأجواء خرافية. وكمان فاجئ الناس لما غنى مع ليلى علوي أغنية “كل مرة” وسط زغرودة جامدة من وفاء عامر.
تامر كمان نزل وسط العرايس وأسرهم واتصور معاهم، وكانت لحظات جميلة اتوثقت بالكاميرات، وفضل طول الوقت حريص يشارك الناس فرحتهم.
الحفل حضره كمان د. سامر يوسف ومراته المهندسة رباب عبد العاطي وزينات الشال، وعدد كبير من المشاركين في المبادرة، واللي هدفها كان إسعاد الناس ودعمهم بأبسط الطرق.
