حماده هلال يشعل زفاف جماعي في العلمين بـ200 عروسة وفرحة كبيرة
أحيا المطرب حماده هلال حفل زفاف جماعي ضمن فعاليات “أسبوع الخير” اللى اتعمل لدعم الأسر الأولى بالرعاية، واللي اتنظم في سيدي عبد الرحمن بمدينة العلمين الجديدة، وشارك فيه عدد كبير من نجوم الفن والإعلام وكبار المسؤولين والمتطوعين.
حماده غنى شوية من أشهر أغانيه الرومانسية اللي الجمهور حفظها عن ظهر قلب، وقدّم فقرة غنائية كلها إحساس، وكمان لأول مرة شارك فريق الفلكلور البدوي اللي عمل استعراضات مبهجة، وخلوا الأجواء مليانة فرح وطاقة إيجابية.
في وسط الحفلة، وجّه حماده تحية كبيرة للعرسان وأهاليهم، وشكر الحضور الكبير اللي شرف المكان، ومنهم اللواء خالد شعيب محافظ مطروح، والنجمات ليلى علوي، إلهام شاهين، فيفي عبده، وفاء عامر، والإعلامية هالة سرحان، وأميرة حسن مختار بنت الفنانة الراحلة رجاء الجداوي، وغيرهم كتير من رموز الفن والمجتمع.
وبعد ما خلّص فقرته، نزل حماده واتصور مع الفنانين والناس، وما نسيش يشارك شاب من ذوي القدرات الخاصة بصورة جميلة، وده كان من منظمين “أسبوع الخير”، في لفتة إنسانية لطيفة أسعدت الكل.
