تشافي هيرنانديز ممكن يمسك تدريب ليفركوزن لو مشي تشابي ألونسو
قالت مصادر صحفيه إنجليزيه والمانيه كمان، إن في إحتماليه كبيره ان تشافي هيرنانديز، المدرب السابق لبرشلونه، يكون هو اللي هيمسك تدريب باير ليفركوزن، وده لو تشابي ألونسو مشي في الصيف الجاي زي ما الناس بتقول.
ألونسو، اللي عامل شغل جامد مع ليفركوزن الموسم ده، قرب قوي يروّح ريال مدريد، وده اللي خلى الإداره بتدور على بديل بنفس الستايل، وتشافي جاي في الصوره بقوه لإنه بيحب طريقه لعب الاستحواذ والسيطره، وده نفس ستايل ألونسو تقريباً.
تشافي لما كان في برشلونه قدر ياخد الدوري وكأس السوبر رغم إن النادي كان بيمر بفتره صعبه وملخبطه، وده خلى الناس تحترمه كمدرب شاطر وعنده فكر.
بس هو مش لوحده في الصوره، في كمان ناس تانيه مرشحه، زي إريك تين هاج اللي كان بيدرب مانشستر يونايتد، وإيمانول ألجاوسيل مدرب ريال سوسيداد، وكل واحد ليه أسلوبه وتجربته.
لحد دلوقتي مفيش حاجه رسميه، بس الواضح إن تشافي عنده فرصه كبيره لو ألونسو راح مدريد فعلاً.
تفتكر تشافي ينجح في الدوري الألماني لو مسك ليفركوزن؟
