ريال مدريد هيجدد لمودريتش وفاسكيز علشان يلعبو كاس العالم
قالت جرايد إسبانيه النهارده إن إدارة ريال مدريد ناويه تجدد عقد لوكا مودريتش ولوكاس فاسكيز لفتره قصيره، علشان يشاركو في بطولة كاس العالم للانديه 2025 اللي هتتلعب في أمريكا من 15 يونيو لحد 13 يوليو.
ريال مدريد وقع في المجموعه التامنه، مع فرق تقيله زي الهلال السعودي وباتشوكا المكسيكي وسالزبورج النمساوي، وعايز يضمن إن كل لعيب جاهز وموجود.
حسب جريدة “آس”، التجديد هيكون مؤقت لحد 13 يوليو بس، علشان الفيفا سمحت للأنديه تعمل كده بسبب إن في لاعيبه كتير عقودهم بتنتهي يوم 30 يونيه، ودي فرصه لازم يتستغلوها.
مودريتش وفاسكيز عقودهم بتنتهي في الصيف، وعلشان كده النادي مش عايز يخسرهم في البطوله، خصوصاً إن ليهم دور مهم مع الفريق.
بعد البطوله، الإداره هتقعد مع الاتنين علشان تقرر مصيرهم. التقارير بتقول إن فاسكيز غالباً هيمشي بعد الموسم ده، بس مودريتش ممكن يكمل موسم كمان مع الملوك.
كل جماهير مدريد مستنيه تشوف هيحصل إيه، خصوصاً مع مودريتش اللي بيعتبر من أساطير الفريق.
تفتكر مين فيهم يستحق يكمل؟
