برشلونه بيخطط يضم هالاند من السيتي في صيف 2026 الجاي
قالت جريدة “إل ناسيونال” الإسبانيه إن برشلونه ناوي يبدأ التحرك من دلوقتي علشان يجهز نفسه لصفقة كبيره جداً، وهي التعاقد مع مهاجم مانشستر سيتي النرويجي إيرلينج هالاند، وده في سنة 2026.
الصفقه دي مش سهله خالص، علشان كده النادي محتاج يخطط من بدري، سواء من الناحيه الماليه أو الإداريه، لإن هالاند مش لاعب عادي، ومرتبه وراتبه هيكونو كبار، وكمان ممكن سعره يبقى عالي جداً.
برشلونه بقاله فتره بيعاني مادياً، بس دلوقتي بيفكر يبيع كام لاعب ويقلل المرتبات، وكمان يحاول يزود الدخل من الرعايه والتذاكر والحاجات دي، علشان يقدر يخلص الصفقة.
الجريده كمان وضحت إن النادي هيشتغل في السنتين الجايين على تقوية الفريق بلاعبين كويسين، علشان يبقى عندهم مشروع رياضي قوي، ويقدروا يقنعو هالاند إنه ييجي ويلعب في الكامب نو.
هالاند دلوقتي من أهم المهاجمين في العالم، وبرشلونه شايف إنه ممكن يكون القطعه اللي ناقصه للفريق علشان يرجع ينافس على البطولات بقوه.
