بايرن ميونخ بيكسر القواعد وبيجهز عرض ضخم لضم فلوريان فيرتز
قالت تقارير إعلاميه إن إدارة بايرن ميونخ حسمت قرارها بخصوص التعاقد مع نجم باير ليفركوزن، الدولي الألماني فلوريان فيرتز، خلال الميركاتو الصيفي الجاي.
الاداره البافاريه ناويه تمشي عكس السياسه اللي كانت ماشيه بيها زمان، وقررت تقدّم عرض خيالي علشان تضمن اللاعب قبل ما عقده يخلص في 2027.
الصحيفه الفرنسيه “ليكيب” كشفت إن العرض اللي بيتجهز ممكن يوصل لـ 250 مليون يورو لما نحسب كل تفاصيله، وده ممكن يخلي انتقال فيرتز لريال مدريد شبه مستحيل، خصوصًا إن الريال كمان كان مهتم يجيب اللاعب ومعاه مدربه الحالي تشابي ألونسو.
أولي هونيس وكارل هاينز رومينيغيه نفسهم ماسكين الموضوع وبيشتغلوا على إغلاق أكبر صفقه في تاريخ البوندسليغا، واللي لو تمت هتكون حديث الصحافه والشارع الرياضي.
فيرتز يعتبر من أهم المواهب الألمانيه دلوقتي، والكل شايف إنه مشروع نجم عالمي، فهل بايرن هيقدر يقنعه ويخطفه من الكبار؟
