ريال مدريد ناوي يدعم دفاعه وبيفكر في ظهير بنفيكا الشاب كاريراس
أفاد الصحفي غييرمو راي إن إدارة ريال مدريد شغاله حاليًا على خطه لتدعيم الخط الخلفي للفريق، خصوصًا مركز الظهير الأيسر، وده ضمن استعدادات النادي لسوق الانتقالات الصيفيه اللي جايه.
وحسب كلامه، فإن فيه اهتمام كبير من النادي الملكي بلاعب بنفيكا الشاب ألفارو كاريراس، واللي بيعتبر من المواهب الواعده في أوروبا في مركزه.
كاريراس – اللي هو أصله إسباني – قريّب جدًا من فكره الانتقال للريال، وقال إنه هيكون سعيد جدًا لو حصل اتفاق بين الناديين، وده بيخليه من أبرز الأسماء الموجوده على رادار الريال حاليًا.
النادي شايف إن تدعيم الجبهه اليسرى بقى ضروري، خصوصًا مع كبر سن بعض اللاعبين وعدم وجود بديل جاهز على مستوى عالي، وعلشان كده بدأوا التحرك بدري قبل الزحمه.
لسه مفيش مفاوضات رسميه، لكن المصادر بتقول إن الأمور ماشيه في الطريق الصح، واللاعب حابب الفكره ومستني الضوء الأخضر.
هل كاريراس هيكون صفقة الصيف المنتظره للريال؟ ولا فيه مفاجآت تانيه جاية؟
