يونايتد بيدوس بيلباو فـ معقله تلاته وبرونو نجم الشوط الاول
مانشستر يونايتد عملها وبجداره، وقدر يكسب أتلتيك بيلباو في ملعبه سان ماميس بـ تلاته نظيفه فـ ذهاب نصف نهائي الدوري الأوروبي، الماتش اللي اتلعب امبارح وشهد تفوق كبير للشياطين الحمر.
يونايتد بدأ ضاغط من أول دقيقه، وجارناتشو سجل هدف بدري بس اتلغى عشان تسلل، بس بعدها بـ شوية كاسيميرو جاب أول هدف رسمي بـ رأسية بعد كوره رايحه جايه من ماجواير وأوجارتي فـ الدقيقه 30.
الدنيا ولعت لما الحكم رجع لـ VAR وادّى ركلة جزاء لليونايتد، وطرد مدافع بيلباو دانيال فيفيان فـ الدقيقه 35، يعني أصحاب الأرض كملو ناقصين.
برونو فيرنانديز مسك التهديف وسجل هدفين، الأول من ضربة جزاء الدقيقه 37، والتاني قبل نهاية الشوط الأول على طول فـ الدقيقه 45 بعد تمريره بالكعب من أوجارتي، وانفرد وسجلها بـ سهوله.
النتيجه دي بتحط اليونايتد تقريبًا فـ النهائي، والعوده هتكون يوم الخميس الجاي 8 مايو فـ أولد ترافورد.
جماهير بيلباو اتصدمت، ويونايتد بيقول انه راجع لـ البطوله دي بقوه.
