برشلونه خايف من الركنيات قبل مباراته مع إنتر في نصف النهائي
قالت صحيفة سبورت الكتالونيه إنو فيه قلق كبير داخل نادي برشلونه قبل مواجهة الإياب ضد إنتر ميلان في دوري الأبطال، والسبب الرئيسي هو الكرات الثابته، خاصه الركنيات اللي صارت مشكله كبيره للفريق بالفتره الأخيره.
الفريق استقبل خمس أهداف من كورنرات في شهر واحد بس، وهذا الشي خلا المدرب فليك يشيل هم، خصوصًا إن الأهداف جت في مباريات مهمه.
دومفريس سجل هدفين على برشلونه مع إنتر، وتشواميني سجل هدف لريال مدريد بنهائي كأس إسبانيا، وغيراسي من دورتموند كمان سجل هدف بخسارة البارسا الوحيده هالسنه، وناتان من بيتيس تسبب بضياع نقطتين في الليغا.
المشكله الأكبر إن إنتر معروف باستخدامه القوي للكرات الثابته، وقدر يقصي بايرن ميونخ عن طريقها في ربع النهائي، وهذا زاد التوتر عند جمهور وإدارة برشلونه.
فليك ناوي يشتغل على الدفاع بقوه الأيام الجايه عشان يسد الثغره هذي قبل مباراة 6 مايو في ميلانو، اللي ممكن تحدد مصير البارسا في البطوله.
