ماريسكا مش مطمن بعد رباعيه تشيلسي ولسه فاكر درس وارسو الصعب
انزو ماريسكا مدرب تشيلسي حذر اللعيبه والجمهور بعد فوز كبير لفريقه 4-1 بره ملعبه على يورجوردينس السويدي فـ ذهاب نصف نهائي دوري المؤتمر الأوروبي، وقال إن الماتش لسه مخلصش والمهمه لسه ماكملتش.
ماريسكا رجع يفتكر اللي حصل قدام ليجيا وارسو فـ دور الـ8، لما تشيلسي كسب هناك 3-0 ورجع خسر فـ لندن وسط جمهوره واتعرض لضغط كبير، وقال اتعلمنا من اللي حصل المره اللي فاتت
واضاف بعد الماتش لعبنا كويس لمدة ساعه و70 دقيقه، بعدين وقعنا شويه آخر 20 دقيقه، وده مش لازم يحصل تاني وأكد إن الفريق محتاج يفضل مركز وميسمحش لنفسه يتراجع حتى لو النتيجه كبيره.
ولما اتسأل لو شايف الماتش خلص رد بسرعه لأ لأ أكيد لأ
اللي يكسب من تشيلسي ويورجوردينس هيقابل في النهائي الفايز من ريال بيتيس وفيورنتينا، والماتش الأول بينهم خلص بفوز بيتيس 2-1.
تشيلسي عنده فرصه ذهبيه بس الحذر مطلوب، خصوصًا والتاريخ مش بينسى اللي حصل فـ ستامفورد بريدج.
