برشلونه يواجه بلد الوليد غداً ومتفوق تاريخياً بـ 66 فوز
برشلونه يجهز نفسه عشان يلاقي بلد الوليد بكرة السبت ضمن الجوله 34 من الدوري الإسباني، والمباراة راح تنلعب على ملعب مونتجويك الساعه 10 بالليل بتوقيت السعوديه، والمباراة تعتبر مهمه للفريق الكتالوني اللي يبغى يثبت نفسه قبل نهاية الموسم.
لو نرجع للتاريخ، بنشوف إن برشلونه متفوق وبشكل كبير على بلد الوليد، لأنهم تقابلو 99 مره، قدر البارسا يفوز في 66 مباراة، بينما بلد الوليد ما فاز إلا 17 مره بس، والباقي تعادلات وعددها 16.
من ناحية الأهداف، سجل لعيبة برشلونه 234 هدف في مرمى بلد الوليد، وهذا عدد كبير يوضح الفرق، بينما بلد الوليد سجل 84 هدف فقط.
المدرب فليك أكيد بيحاول يريح بعض اللعيبه قبل مواجهة إنتر في دوري الأبطال، بس برضو ما راح يفرط في المباراة عشان ما يخسر نقاط.
الجمهور متحمس يشوف أداء الفريق خصوصاً بعد الهبوط اللي صار بالفتره الأخيره، ويمكن تكون هذي المباراة فرصه يرجع فيها الفريق لمستواه.
