جوميز بعد فوز الفتح على الشباب البقاء لسه ما اتحسمش
رغم الفوز الكبير اللي حققه فريق الفتح على الشباب بـ نتيجه 3-1 فـ الجوله 30 من الدوري السعودي، إلا إن المدرب البرتغالي جوزيه جوميز قال إن الفريق لسه ما ضمنش البقاء بشكل رسمي.
جوميز اتكلم بعد الماتش في المؤتمر الصحفي، وقال الفوز على الشباب كان مهم عشان نقرّب من هدفنا، بس لسه قدامنا مواجهات قويه ومحتاجين نكمل بنفس الروح وأكد إن الفريق لازم يركز فـ المباريات الجايه عشان يهرب تمامًا من مناطق الخطر.
وقال جوميز كمان الشباب فريق محترم ومعاه لاعبين تقال، وكنت متابع تغييراته التكتيكيه طول الماتش، عشان كده فضلت أقعد على الدكه وأتابع مع المساعدين تحليل اللعب
وأضاف استغلينا الفرص اللي جاتلنا وسجلنا تلات أهداف، وده شيء إيجابي جدًا للفريق
بالفوز ده، رفع الفتح رصيده لـ33 نقطه وبقى فـ المركز الـ11، بس الصراع لسه شغال فـ المؤخره، وجوميز شايف إن مافيش وقت للاسترخاء.
جمهور الفتح بدأ يتنفس الصعداء، بس المدرب بيأكد إن لسه الطريق طويل، والسقوط وارد لو مافيش تركيز.
