بوستيكوجلو يشكر الجماهير بعد فوز مهم لتوتنهام على بودو جليمت
وجه أنجي بوستيكوجلو، مدرب توتنهام، شكر خاص لجماهير فريقه بعد الفوز المهم على بودو جليمت 3-1 في ذهاب نصف نهائي الدوري الأوروبي، اللي اتلعب امبارح الخميس.
وقال بوستيكوجلو في المؤتمر بعد الماتش الجماهير كانت رائعه من أول لحظه خرجنا فيها للملعب، بصراحه هما اللي خلونا نبدأ بقوه وسجلنا هدف بدري وأكد إن الحماس اللي عملوه المشجعين فرق مع اللعيبه.
وأضاف رغم ان الموسم كان صعب علينا، بس ليالي أوروبا دايمًا ليها طعم تاني، والجماهير ليها فضل كبير في الأداء اللي قدمناه النهارده
ورغم الهدف اللي دخله بودو جليمت فـ آخر الدقايق، إلا إن المدرب الأسترالي شاف إن فريقه كان هو الأفضل طول الماتش، وقال إنه لو اللعيبه كررت نفس المستوى في ماتش الإياب، التأهل للنهائي هيكون في الجيب.
الجدير بالذكر إن توتنهام بيعيش موسم محبط فـ الدوري الإنجليزي، وخسر 19 ماتش من أصل 34، وده ممكن يخليه يحقق أسوأ موسم ليه من سنة 1994
