وولفرهامبتون ينفي مفاوضاته مع أنديه سعوديه لضم ماتيوس كونيا
طلع نادي وولفرهامبتون الإنجليزي ونفى كل الأخبار اللي بتتكلم عن وجود مفاوضات بينه وبين أنديه سعوديه بخصوص انتقال ماتيوس كونيا نجم الفريق في الصيف الجاي.
بعض التقارير قالت إن في أنديه من دوري روشن ناويه تدفع الشرط الجزائي اللي في عقد كونيا واللي بيوصل لـ 64 مليون جنيه إسترليني خصوصًا بعد ما اللاعيب خطف الأنظار بأداءه العالي الموسم ده، وسجل 17 هدف وصنع 6 في 32 ماتش.
لكن ماكس فيتزجرالد، المسؤول الإعلامي في وولفرهامبتون، صرح لصحيفه الرياضيه السعوديه وقال لحد دلوقتي، مفيش أي تواصل رسمي حصل معانا سواء من أنديه سعوديه أو غيرها بخصوص كونيا
كونيا كان كمان في دايره اهتمام أنديه أوروبيه كبيره زي مانشستر يونايتد، بس النادي الإنجليزي لسه متمسك بيه وناوي يكمل معاه الموسم.
ورغم كل الشائعات، وولفرهامبتون قافل الباب ومش ناوي يفرط في نجم الفريق بالساهل، إلا لو حصل عرض رسمي يغير الموازين في الميركاتو الجاي.
