سهر الصايغ بحب السنان ومش بسيب الفن والحمام رمز الخير
ظهرت الفنانه والطبيبه سهر الصايغ مع الإعلاميه منى الشاذلي في برنامج معكم واتكلمت عن جوانب كتير من حياتها، سواء الشخصيه أو المهنيه وأكدت إنها لسه متمسكه بمهنتها كطبيبة أسنان جنب التمثيل وقالت تعبت جدًا في الكليه ومقدرش أسيبها بحبها جدًا
سهر وضحت إنها مش بتحب تدخل المطبخ، وقالت معنديش خلق للمطبخ، بس نفسي حلو في الأكل وده ضحك الجمهور كتير وكمان قالت إنها مقتنعه بشكلها الطبيعي ومش بتحب تجميل السنان لمجرد التغيير، وأضافت السنان الطبيعيه مبتتعوضش
كمان كشفت إنها متخصصه في علاج الحشو وده مجال دقيق جدًا، وأكدت إن الطب والفن بيديها توازن نفسي وبيخليها قريبه من الناس.
عن دورها في مسلسل حكيم باشا قالت إن شخصية برنسة الشريره لفتت انتباه الناس، لدرجة إن فيه ناس كانت بتدعي عليها من كتر ما صدقوا الدور.
وفي موقف طريف من كواليس التصوير، قالت إن الحمام المحشي باللحمه المفرومه في مشهد المسلسل كان رمز للخير، فردت منى الشاذلي بدهشه أول مره أعرف إن في حمام بيتحشي لحمه مفرومه
