أسعار الحديد والأسمنت النهارده 2 مايو.. ثبات في السوق ولسه مفيش جديد
النهارده الجمعة 2 مايو 2025، والناس اللي بتشتغل في المقاولات والبنا شغالة متابعة أسعار الحديد والأسمنت أول بأول، بس لحد دلوقتي مفيش تغييرات تُذكر، السوق هادي والأسعار شبه ثابتة، وده واضح من بيانات بوابة الأسعار المحلية التابعة لمجلس الوزرا.
بالنسبة للحديد، مفيش أي مفاجآت كبيرة، وسعر حديد عز لسه واقف على 39699 جنيه للطن، وده الأعلى كالعادة وأما الحديد الاستثماري فسعره حوالى 38658 جنيه، وفيه تفاوت بسيط بين باقي الشركات.
أسعار الحديد في السوق النهارده:
- حديد عز: 39699 جنيه
- الحديد الاستثماري: 38658 جنيه
- حديد السويس: 38300 جنيه
- حديد بشاي: 38300 جنيه
- حديد المصريين: 36800 جنيه
- حديد المراكبي: 36400 جنيه
- حديد العشري: 35800 جنيه
وبالنسبة للأسمنت، نفس السيناريو، الأسعار مستقره في أغلب الشركات، ومفيش زيادات جديدة، بس لسه فيه فروق بسيطة بين مصنع والتاني، وده طبيعي على حسب كل شركة ومصاريف التشغيل.
أسعار الأسمنت الرمادي النهارده:
- أسمنت السويس: 3370 جنيه
- أسمنت حلوان: 3350 جنيه
- أسمنت العسكري: 3300 جنيه
- أسمنت الشركة العربية: نازل كتير وسعره 2000 جنيه بس!
- المتوسط العام: حوالي 3440 جنيه
الناس اللي بتشتري بالجملة أو بتجهّز لمشروعات كبيرة مستنية أي تغيير يحصل في الأسعار، خصوصًا مع استقرار الدولار نسبيًا، اللي ممكن يخلّي حركة السوق تهدى شوية الأيام الجاية.
