أصاله تختار ضريبة البعد اسم ألبومها الجاي بتصويت جمهورها
أعلنت النجمه أصاله نصري عن اسم ألبومها الجديد، واللي هيكون بعنوان ضريبة البعد وقالت في ڤيديو نشرته على السوشيال ميديا إن الاسم ده تم اختياره حسب تصويت الجمهور وقالت بناء على تصويتكم واختياركم وقع الاختيار على اسم ضريبة البعد
أصاله دلوقتي بتشتغل على اللمسات الأخيره ف الألبوم واللي هيشمل أغاني كتير منوعة ومن ضمنها تعاون لأول مره بينها وبين المطرب تامر عاشور، ف أغنية اسمها كلام فارغ والأغنيه من ألحان تامر وكلمات منة القيعي ومتوقع تنزل ضمن الألبوم الجديد خلال أيام.
الفتره اللي فاتت نزلت أصاله أغنيه بعض الأحيان على اليوتيوب من كلمات الأمير فيصل بن تركي بن ناصر، وألحان أحمد الهرمي، والتوزيع لزيد نديم، والميكس والماسترينج كانو مع جاسم محمد.
كمان طرحت أغنيه تانيه اسمها جنة الحب من كلمات د ذياب بن غانم المزروعي، وألحان فايز السعيد وتوزيع نور هاشم ونزلت على يوتيوب ومنصات تانيه.
واضح إن الألبوم هيكون فيه شغل جامد، ومستوى مختلف كعاده أصاله.
