النهارده افتتاح مهرجان المركز الكاثوليكي للسينما وسط تكريمات وتقشف
انطلقت النهارده الجمعه فعاليات افتتاح الدوره الـ73 من مهرجان المركز الكاثوليكي المصري للسينما، واللي بيرأسه الأب بطرس دانيال ف قاعه النيل للآباء الفرنسيسكان الحفله هتشهد تكريم عدد من رموز الفن تقديراً لمشوارهم ونجاحهم الفتره اللي فاتت.
المهرجان قرر يدي جوايز الرياده السينمائيه للفنانه صابرين والدكتوره سميره محسن، وأحمد ماهر ولوسي وكمان الفنان القدير محمود الحديني وكمان فيه تكريمات خاصه زي جايزه فريد المزاوي لهاني لاشين وجايزه الأب يوسف مظلوم للفنان شريف الدسوقي، وجايزه التميز الإعلامي لهاله حشيش.
ومن الدراما، خدت إيمان العاصي جايزه أحسن ممثله عن مسلسل برغم القانون وطه دسوقي أحسن ممثل عن حاله خاصه وهاجر السراج جايزه تشجيعيه.
لجنه التحكيم السنه دي بيرأسها طارق العريان، وبيشارك فيها عمرو يوسف، دينا فؤاد، هبه عبدالغني، أحمد مراد، وآخرين.
السنه دي المهرجان بيعرض 6 أفلام من أصل 44 تم اختيارهم بمعايير فنيه وإنسانيه زي ليه تعيشها لوحدك والهوى سلطان
وقررت اللجنه العليا إلغاء أي مظاهر احتفاليه في الافتتاح حداداً على روح البابا فرنسيس
