فيلم ولا عزاء للسيدات ينافس بمهرجان أسوان في المسابقه الرسميه
انطلقت النهارده الجمعه فعاليات مهرجان أسوان الدولى لأفلام الستات ف دورته التاسعه واللي هتستمر لحد يوم 7 مايو، وبيشارك فيه عدد كبير من صناع السينما من دول كتير.
الفيلم المصري الوحيد اللي بيدخل المسابقه الرسميه هو ولا عزاء للسيدات للمخرج محمود زين وبطولة الفنان صدقي صخر الفيلم بيحكي عن زاهر ومراد، إخوات هيام اللي بتموت وهي عندها عشرين سنه ولسه متجوزتش ولما بيبدأوا تجهيز الغسل بيلاقوا عضات غريبه ف رقبتها وصدرها وده بيخليهم يتوقفوا خوف من الفضيحه.
الفيلم من تأليف وإخراج محمود زين، ومن إنتاج المعهد العالي للسينما صدقي صخر قال إنه متحمس للفيلم عشان فكرته الجريئه وإنه مختلف عن اللي اتقدم قبل كده وإن مشاركته في مهرجان مهم زي أسوان لأفلام الستات بيدل على قوة تأثير الفيلم وقيمته.
بيشارك ف البطوله سهيله الأنور نادية حسن ومحمود يحيى مدير التصوير مؤمن علاء، والمونتاج لمحمد ممدوح والمنتج المنفذ علي سليمان هندسه الديكور لمحمد أسامه حسن وهندسه الصوت رامي مجدي وتصميم الصوت عمرو سليمان وتصحيح الألوان طارق عبد القادر.
