في ذكرى وفاته محمد رشدي صوت شعبي خلد أغاني الشارع المصري
النهارده الجمعه بتفكرنا بذكرى وفاة المطرب الكبير محمد رشدي، اللي كان واحد من أعمدة الأغنيه الشعبيه ف مصر بصوته الأصيل وأداءه الصادق قدر يوصل لقلب الناس ويعبّر عنهم بكل بساطه.
رشدي مكانش بس بيغني عاطفي، لكنه كمان قدم أغاني دينيه ووطنية مهمه خصوصًا وقت حرب أكتوبر وكان ليه تترات لمسلسلات زى ابن ماجه ف رمضان وآخر ألبوم نزل ليه كان بعنوان دامت لمين
رصيده الفني مليان أغاني لسه عايشه معانا زي إن كنت مسافر خدني معاك كلمات صلاح أبو سالم وألحان حلمي بكر ويا بحراويه وكعب الغزال وطاير يا هو و عطشان يا صبيه وغيرهم كتير.
الجميل كمان ف مشواره علاقته القويه مع الشاعر عبد الرحمن الأبنودي، واللي قال عليه رشدي إنه خلقله لغه جديده للغنا ولما انضم ليهم بليغ حمدي، عملوا تريو فنّي مميز جدًا، وقدمو مع بعض عدويه اللي كانت من أنجح الأغاني ف الشارع، وخلت عبد الحليم حافظ يتأثر بيها ويعمل توبه.
محمد رشدي فضل صوته وذكراه باقيين، لأنه كان ابن الناس وبيلغّي من قلبه ليهم.
