HBO تنزل صور جديده من موسم The Gilded Age التالت المنتظر
طرحت شبكة HBO شويه صور جديده من الموسم التالت لمسلسل الدراما التاريخي The Gilded Age وده زوّد الحماس عند الجمهور اللي مستني الجديد من العمل اللي بيحكي عن الصراع بين الطبقات والنظام الاجتماعي القديم والجديد في أمريكا القرن الـ19.
لحد دلوقتي مفيش ميعاد رسمي لإطلاق الحلقات لكن HBO قالت إنها هتعلن قريب عن ميعاد عرض الموسم الجديد واللي واضح من الصور إنه هيكون مليان دراما وقرارات مصيريه خصوصًا لماريان، البطله اللي هتواجه سؤال مهم هتفضل ماشية على سكة المجتمع اللي بيحكمها التقاليد ولا هتختار طريقها وتتمرد على القواعد
المنتجين ضافوا ٤ ممثلين جدد للطاقم في الموسم ده وهما سوليفان جونز ليندا إيموند ميشيل جيل وورد هورتون، وده حسب تقرير اتنشر على موقع Deadline وده بيدّي إشارة إن في تغييرات وشخصيات مهمه داخله تحرك الأحداث في اتجاهات جديده.
الموسم الجديد شكله واعد وهيخلي الناس تتكلم عنه كتير خصوصًا مع التصوير المميز واللبس الفاخر اللي بيميز المسلسل الجمهور خلاص بقى مستني التفاصيل والموعد بفارغ الصبر.
