برشلونة يسرّع خطواته لتجديد عقد رافينيا قبل فوات الأوان
بتحرك سريع ومنظم، إدارة برشلونة دخلت على الخط علشان تضمن بقاء النجم البرازيلي رافينيا معاهم لأطول فترة ممكنة، خصوصًا بعد المستويات القوية اللي قدمها الفترة الأخيرة.
مصادر صحفية من كتالونيا كشفت إن ديكو، المدير الرياضي للنادي، اجتمع مع وكيل رافينيا، واتكلموا في تفاصيل العقد الجديد، والنية واضحة من الطرفين: التمديد قريب جدًا.
النادي الكتالوني مبسوط من التزام رافينيا داخل وخارج الملعب، وده خلى التجديد من أولويات الصيف بالنسبة للإدارة، خصوصًا وإن فيه اهتمام من كذا نادٍ برا أوروبا بيراقب اللاعب من بعيد.
رغم إن العقد الحالي للاعب ممتد لحد يونيو 2027، لكن البرسا مش عايز يستنى للوقت بدل الضايع، وبيفكر يعدل بنود العقد ويحسّن راتبه كمكافأة له على العطاء.
المفاوضات لسه في بدايتها، بس حسب كلام الصحافة، الجو إيجابي والتفاهم موجود، وبنسبة كبيرة نسمع إعلان رسمي خلال الأسابيع الجاية.
رافينيا بيثبت كل يوم إنه عنصر مهم في مشروع فليك الجديد، وبارسا مش ناوي يفرّط فيه بسهولة.
