صراع مشتعل ع الصداره ومفاجأت ف ترتيب دوري المصري الجديد
دخل الدوري المصري المرحله الأخيره، وبدأت ملامح البطوله والهبوط والتأهل لأفريقيا تبان، خصوصاً بعد النظام الجديد اللى قلل عدد الماتشات الموسم ده، الأنديه لعبت دور واحد بس بدل دورين، وبعد كده اتقسموا مجموعتين مجموعه التتويج ومجموعه الهبوط.
الفرق التسعه اللى ف أول الجدول دخلت مرحله التتويج وبيتنافسوا على مقاعد دوري أبطال أفريقيا وكأس الكونفدراليه، والباقي بيصارع عشان ميهبطش.
بعد تلات جولات من مرحله الحسم، سبع فرق لسه عندهم فرصه ينافسوا على دوري الأبطال، وهم بيراميدز، الأهلي، الزمالك، المصري، البنك الأهلي، سيراميكا، وفاركو.
بيراميدز متصدر الترتيب بـ47 نقطه، وراه الأهلي بـ43 نقطه، والزمالك بـ39، المصري عنده 35، والبنك الأهلي 32، وسيراميكا 27، وفاركو 26.
اما بتروجيت فموقفه معلق بقرار خصم 3 نقاط من الأهلي بعد انسحابه من ماتش القمه، ورابطه الأنديه كانت قررت الخصم وبعدين رجعت فيه، بس لسه لجنة الاستئناف هتعلن القرار يوم 8 مايو.
الغريب إن حرس الحدود رغم إنه ف المؤخره بـ22 نقطه، لسه عنده أمل يخطف مكان ف الكونفدراليه، وده بيعكس قد إيه الدوري مولع.
