صراع دوري الابطال الانجليزي بيولع بعد خسارة نوتنجهام امام برينتفورد
الصراع بقى مولع على التأهل لدوري أبطال أوروبا من الدوري الإنجليزي، بعد الخساره اللي اتعرض ليها نوتنجهام فورست من برينتفورد 2-0 في ختام الجوله 34، واللي خلت المنافسه تشتعل اكتر بين الفرق القريبه في النقط.
دلوقتي بقى فيه 5 مراكز بتأهل مباشرةً لدوري الأبطال، ولو فريق إنجليزي كسب بطوله أوروبيه السنه دي، العدد ممكن يزيد لـ6 فرق، وده اللي مخلي الحماس في السما.
ليفربول حسم الدوري وخلاص ضمن التأهل، أما أرسنال فهو قريب جدًا وعاوز 6 نقط بس من الـ4 مباريات اللي فاضله علشان يضمن مكانه.
مان سيتي اللي بيلعب النهارده ضد وولفرهامبتون، ومعاه عمر مرموش، عنده فرصه قويه يتقدم في الترتيب.
المنافسه بين نيوكاسل، مان سيتي، تشيلسي ونوتنجهام وصلت لقمتها، والفارق بسيط جدًا في النقط.
كمان تشيلسي بيلعب في نص نهائي دوري المؤتمر، ولو كسب ممكن يفتح الباب لمقعد إضافي.
الجدول بقى كده
1- ليفربول 82 نقطه
2- أرسنال 67
3- نيوكاسل 62
4- مان سيتي 61
5- تشيلسي 60
6- نوتنجهام 60
7- أستون فيلا 57
الأيام الجايه هتحسم كل حاجه
