كوندي يتكلم بعد إصابته ويدعم زملائه قبل مواجهة إنتر بالإياب
اتكلم جول كوندي، ظهير برشلونة، بعد إصابته الأخيرة في ماتش إنتر، اللي اتلعب يوم الأربع اللي فات في ذهاب نصف نهائي دوري أبطال أوروبا، واللي انتهى بتعادل 3-3.
برشلونة أعلن إن كوندي اتعرض لإصابه في العضله الخلفيه للفخذ، وهتخليه يغيب عن المباريات الجايه، وعلى رأسهم ماتش الإياب ضد إنتر في ملعب جوزيبي مياتزا يوم التلات الجاي.
اللاعب صرح لصحيفة ماركا الإسبانية وقال أنا حاسس بخيبة أمل كبيره خصوصًا إننا في وقت حاسم من الموسم وكل حاجه بتتلعب دلوقتي بس ساعات في حاجات بتخرج عن إرادتك
وأضاف أنا واثق تمامًا في الفريق وإننا هنقدر نكمل ونحقق المطلوب من غير ما نفرّق مين بيلعب شكراً على دعمكم، الدعم ده معناه كبير بالنسبالي
غياب كوندي بيعتبر ضربة قويه لدفاع برشلونة خصوصًا في وجود ماتش مهم زي اللي جاي قدام إنتر والجماهير مستنية تشوف الفريق هيقدر يعوّض الغيابات دي ولا لأ.
كل الآمال دلوقتي متعلقة بأداء الفريق في الإياب لحسم التأهل للنهائي.
