الداخليه تبدأ تنفيذ قرارات منع دخول الحجاج بدون تصريح رسمي
بدأت وزارة الداخليه تشتغل على تنفيذ تعليمات الحج بمنع دخول المخالفين بدون تصريح، وبتطبق العقوبات على كل من يساعدهم أو يتستر عليهم داخل مكه والمشاعر المقدسه.
وقالت الداخليه إن أي حد يتم ضبطه بيأدي الحج أو حتى بيحاول بدون تصريح، سواء من المواطنين أو الزوار اللي داخلين بتأشيرة زياره، هيتعرض لغرامه ممكن توصل لـ20 ألف ريال.
وكمان أوضحت إن اللي يطلب تأشيره لحد عارف إنه هيحج بدون تصريح، أو يحاول يدخل مكه، أو يساعد في نقله أو يسكنه بأي مكان زي الفنادق أو الشقق أو حتى مساكن الحجاج، ممكن يتعرض لغرامه توصل لـ100 ألف ريال.
والعقوبه مش بس كده، لو في وسيلة نقل استخدمت لنقل الزوار دول، والمحكمه ثبتت إنها مملوكه للناقل أو حد متعاون معاه، ممكن تتحجز وتصادر، كمان المخالفين هيتعرضوا للترحيل والمنع من دخول المملكه 10 سنين.
الداخليه ناشدت الكل بالالتزام بالتعليمات للحفاظ على أمن وسلامة الحجاج، وأي حد عنده بلاغ يتواصل على 911 في مكة والرياض والمنطقه الشرقيه، أو 999 في باقي المناطق.
