برونو لاج يفجّرها: كاريراس كان فاشل.. ودلوقتي مدريد بتجري وراه!
في تصريح قلب السوشيال ميديا، قال برونو لاج، مدرب بنفيكا، عن ظهيره الشاب ألفارو كاريراس: “لما جيت هنا، كان فاشل ودلوقتي أتلتيكو وريال مدريد عايزينه!”، وده اللي فتح باب الجدل حوالين مستقبل كاريراس اللي شكله خلاص بيحزم شنطته عشان مدريد.
ريال مدريد حالياً بيدور على ظهير أيسر بعد تراجع مستوى فيرلاند ميندي، وكمان الجهاز الفني مش مقتنع بفران غارسيا، وعلشان كده النادي الملكي جاهز يدفع لحد 40 مليون يورو عشان يجيب كاريراس.
اللاعب اللي عنده 22 سنة، لفت الأنظار بأداءه اللي فيه توازن بين الهجوم والدفاع، وده اللي خلى اسمه مطروح بقوة على طاولة بيريز ورغم إن في شرط جزائي في عقده مع بنفيكا بـ50 مليون يورو، بس مدريد ناوية تفاوض وتنزل السعر.
ومن ناحيته، كاريراس ما خباش حماسه لفكرة اللعب لريال مدريد، رغم إنه بيقول إنه مرتاح في بنفيكا حاليًا وبس باين عليه مش هيرفض الفرصة دي لو جاتله رسمي.
هل هتنجح الصفقة ويتممها الملكي؟ ولا بنفيكا هيشد في اللاعب؟ الأيام الجاية هتقول.
