فلورنتينو بيريز مش مهتم بمشاعر الجمهور وكأس العالم للأندية مش كفاية
غالبًا لما تسمع عن فلورنتينو بيريز هتعرف إن الكلام ده هيفجر غضب كتير من جمهور ريال مدريد هو دلوقتي واحد من أكتر الشخصيات المستفزة لجماهير النادي، والسبب واضح، النتائج مش زي ما كنا متوقعين، والخسائر اللي بتتكرر كل موسم.
خلينا نكون واقعيين شوية الجمهور طبيعيًا عاطفي ومتقلب في مشاعره وآرائه، لكن إدارة ريال مدريد مش هتشوف الأمور زي ما الجماهير شايفة والحقيقة إنه بيريز وفريقه مش بيشوفوا النادي ككيان رياضي بحت، هم بيشوفوه كعلامة تجارية لازم تتحقق فيها أرباح وخسائر ويعني استمرارية أنشيلوتي مش جايه من أي مشاعر أو تعاطف، الموضوع كله مرتبط بالنتائج المالية والبطولات اللي بيحققها.
في موسم 2022، جاب لنا أنشيلوتي دوري أبطال وأبطال في حاجة ماكنش في الخيال، بس الموسم اللي بعده كان صفري في نظر الجمهور، لكن من الناحية المالية هو نجح، جاب كأس السوبر وكأس العالم للأندية وبعدين موسم 2024 جاب دوري وأبطال خيالية، والموسم ده الفريق تقريبًا انهار، لكن حقق سوبر أوروبي وكأس العالم للأندية، لسه عنده أمل في الدوري، لكن بيريز مش هيقيل أنشيلوتي لأسباب مالية بحتة. هو مش مهتم برأي الجمهور زي ما كتير متخيلين.
الأخبار المحبطة اللي بتقول إن أنشيلوتي هيكمل موسم تاني، زي ما هي مش حلوة للجماهير، لكن في أمل واحد لسه ممكن ينقذ الموقف وهو اللاعبين نفسهم وخلاص أغلب لاعيبة الفريق، خصوصًا الأسماء الكبيرة، بدأوا يلاحظوا إن المدرب ده هدم كل حاجة في الفريق، مش بس من الناحية الفنية، لكن حتى من الناحية البدنية والفكرية والتنظيمية والفريق عايش أسوأ موسم ليه في تاريخ ريال مدريد، وفيه لاعيبة مش قادرين يلعبوا في مراكزهم، ومش عارفين يتعاملوا مع الوضع ده.
الخلاصة، الفريق خرج بفضيحة في أوروبا، والتعيس ده أثر بشكل سلبي جدًا على كل حاجة واللاعبين دلوقتي عارفين إن التواجد مع المدرب ده ممكن يهدد مسيرتهم، ودي حقيقة مؤلمة. لكن اللي باقي هو إن اللاعبين هم اللي ممكن يكونوا طوق النجاة للفريق.
