في تصريح جديد، مدرب مانشستر يونايتد روبن أموريم أشاد بالتحسن الكبير في أداء لاعب الوسط البرازيلي كاسيميرو، وده كان لافت للأنظار والمدرب أكد إن كاسيميرو بقى شبه أساسي في التشكيلة بعد الأداء المميز اللي قدمه في المباريات الأخيرة.
أموريم قال: “كاسيميرو تحسن بشكل كبير، ده مش بس باين في لعبه، لكن كمان في طريقة ركضه وعندنا بيانات بتأكد إنه تعب كتير علشان يكون في المستوى ده، وهو مثال ممتاز للاعب المحترف” وأضاف: “في الماضي، ما كانش بيشارك كتير، لكن دلوقتي بقى صعب جدًا استبعاده من التشكيلة الأساسية.”
وأوضح كمان: “دي رسالة لكل لاعبي مانشستر يونايتد، مهما كان الماضي، كل شيء ممكن يتغير في لحظة وعرفنا إنه مش قادر يضغط عالي طول الوقت، وعشان كده في بعض الأحيان من الأفضل نسيبه كمدافع رابع ونخلي الأجنحة هي اللي تضغط، فهمنا التفاصيل الصغيرة دي وحاولنا نكيف أسلوب اللعب مع قدرات الفريق، لكن الفضل في النهاية بيرجع لكاسيميرو.”
بالفعل، كاسيميرو أصبح من اللاعبين المهمين في مانشستر يونايتد، والمستوى اللي وصل له خلى المدرب يثق فيه أكتر من أي وقت فات، وهيساعد الفريق في المستقبل بقدرته على التكيف مع الظروف المختلفة للمباريات.
شارك المقال
أحدث الأخبار
أخبار ذات صلة
قرار مفاجئ من سلوت بعدم التحدث إلى وسائل الإعلام قبل مباراة ليفربول وكريستال بالاس
نابولي يُعلن إصابة دي بروين وغيابه لعدة أشهر
إصابة جديدة تقلق برشلونة بعد هزيمته في الكلاسيكو أمام ريال مدريد
منتخب مصر يرفض مواجهة كاب فيردي في البطولة الودية بالإمارات
الخطيب يكشف تفاصيل اختياره ياسين منصور نائبًا وتعيين سيد عبد الحفيظ بمجلس الأهلي
