ريال مدريد بيطارد كاريراس بعد فشل صفقه ديفيز الصيف الجاي
بدأت التقارير تنتشر عن رغبة ريال مدريد في التعاقد مع ألفارو كاريراس، ظهير بنفيكا، عشان يعزز مركز الظهير الأيسر، خصوصاً بعد ما فشلت مفاوضاته مع ألفونسو ديفيز لاعب بايرن ميونخ اللي قرر يكمل مع فريقه ويجدد عقده.
صحيفة آس الإسبانيه قالت إن إدارة الملكي حاطة عينها على كاريراس، اللي بنفيكا مقيّمه بـ 60 مليون يورو، بس الريال مش ناوي يدفع المبلغ ده، وشايفين إنهم ممكن يخلصوا الصفقه بسعر أقل.
كاريراس أصلاً جاي لبنفيكا من مانشستر يونايتد بـ6 مليون يورو، بس المان يونايتد عنده بند في العقد يسمحله يرجعه مقابل 18 مليون يورو ومن الواضح إن مانشستر ناوي يستغل البند ده ويرجع اللاعب ثم يبيعه تاني بربح كويس ممكن يوصل لـ35 مليون.
اللاعب عمره 22 سنه، وبيقدم أداء قوي مع بنفيكا، وده اللي خلا عيون كبار أوروبا تتوجه له، خصوصاً الريال اللي محتاج ظهير جاهز للمنافسه ولسه الصفقه في بدايتها، لكن الصيف الجاي ممكن يشهد مفاجآت كتيرهرئ
