آرني سلوت ينبهر بأداء ماك أليستر ويكشف سر تميّزه فـ الليفر
المدرب الجديد لـ ليفربول آرني سلوت واضح من بدري إنه شايف شي كبير في النجم الأرجنتيني أليكسيس ماك أليستر، وصرّح بكلام يحمّس جمهور الريدز على الموسم الجاي.
سلوت قالها بصراحه لما سألوه عن ماك أليستر:
“الشيء المميز فيه، إن كثير من اللعيبه الموهوبين بالكره ما يكونون عدوانيين بدونها، لكن هو نادر ويجمع بين الاثنين، مهاره عاليه + روح قتاليه وهذا يخلّيه يتميّز في خط الوسط حقنا.”
أليستر بصراحه كان واحد من أبرز لعيبة ليفربول هالموسم، لعب 47 مباراه، وسجّل 7 أهداف، وصنع 5، وكل هذا وهو دايم يعطيك كل اللي عنده سواء كان مع الكوره أو بدونها.
جمهور ليفربول متفائل كثير بـ سلوت، وبعد كلامه عن أليستر، باين إنه ناوي يبني خط وسط نار يعتمد على التوازن بين الفنيات والقوه.
هل يكون أليستر هو قلب مشروع سلوت الجديد فـ الأنفيلد؟ ولا لسه فيه مفاجآت جايه فـ السوق؟ ننتظر ونشوف وش ناوي عليه المدرب الهولندي.
