فليك يركز على الكرات الثابته قبل مواجهة إنتر المصيريه بدوري الأبطال
في أجواء مشحونه بالترقب والحماس، ركّز مدرب برشلونة هانسي فليك في تدريبات اليوم على جانب محدد جدًا: الدفاع ضد الكرات الثابته، واللي صارت مصدر قلق كبير للفريق، خصوصًا بعد مباراة الذهاب قدّام إنتر ميلان اللي إنتهت 3-3.
برغم إن برشلونة يعتبر من أفضل الفرق بالدوري الإسباني في الدفاع عن الكرات الثابته، واستقبل بس 3 أهداف منها طول الموسم، إلا إن فليك عارف إن المباريات الحاسمه ما ترحم، والأرقام لحالها ما تكفي.
الفريق تلقّى هدفين من ركنيات في ذهاب نصف نهائي الأبطال قدام الإنتر، وكمان انكوى من نفس النار في نهائي كأس الملك ضد ريال مدريد، وهالشي خلى فليك يرفع صوت الإنذار قبل مواجهة الإياب.
فليك قالها بصريح العباره في المؤتمر الصحفي:
“لازم نحسن دفاعنا فالكورات الثابته.. هالشي ممكن يكون الفاصل بين التأهل أو الخروج الإنتر فريق خطير جدًا فهالمواقف ولازم نكون مستعدين.”
الكل في برشلونة حاط عينه على مباراة الإياب، واللي ممكن تحدد مصير الموسم كله فهل يقدر فليك يضبط الخط الخلفي ويفك شفرة كرات الإنتر الثابته؟ ولا يعيد التاريخ نفسه؟
