ريال مدريد يفكر في استعادة ميغيل غوتيريز رغم أداءه المتذبذب
مع قرب نهاية الموسم الكروي في أوروبا، بدأت الأضواء تتركز على سوق الانتقالات الصيفية، وواحدة من أبرز الأخبار اللي طلعت مؤخرًا كانت عن اهتمام ريال مدريد بميغيل غوتيريز، الظهير الأيسر السابق في الفريق، واللي دلوقتي بيلعب في جيرونا.
وبحسب شبكة ريليفو الإسبانية، إدارة الريال قررت تركز على متابعة أداء غوتيريز في الفترة الجاية، خصوصًا قبل نهاية الموسم الحالي، لكن ما يعنيش إن الريال هيتخذ خطوة رسمية لشراء اللاعب في الصيف ده والسبب الرئيسي في كده هو تذبذب أداء غوتيريز مع جيرونا، واللي خلى إدارة الفريق مش واثقة 100% في استعادة اللاعب بشكل رسمي.
الصفقة مغرية من الناحية المالية، لأن الشرط الجزائي في عقد غوتيريز يسمح للريال بإعادته مقابل 8 مليون يورو بس، لكن القرار النهائي هيتوقف على تقييم دقيق من الإدارة الرياضية في النادي، خاصة مع ظهور اهتمام ريال مدريد بالتعاقد مع كاريراس، الظهير الأيسر في بنفيكا.
إذا كان الريال هيقرر استعادة غوتيريز، ده هيكون له تأثير كبير على تركيبة الفريق الموسم الجاي، لكن في نفس الوقت في منافسة كبيرة من فرق تانية عايزة تدعم خطوط دفاعها وهنشوف في الأيام الجاية إذا الريال هيتحرك رسميًا في اتجاه اللاعب أو لا.
