الأهلي بيحسم صفقه بن رمضان لدعم الوسط قبل المونديال
الأهلي خلص رسميًا التعاقد مع نجم الوسط التونسي محمد علي بن رمضان لاعب فرينكفاروزي المجري، وده ضمن تدعيمات الفريق قبل المشاركه المنتظره في كأس العالم للأنديه 2025.
بن رمضان اللي عنده 25 سنه كان انضم للنادي المجري في صيف 2023 بعد ما خلص عقده مع الترجي التونسي وشارك معاهم الموسم ده في 34 ماتش في بطولات مختلفه زي الدوري الأوروبي وتصفيات دوري الأبطال.
قدر يسجل 6 أهداف وصنع 3 كمان لكن اتلقى 6 إنذارات وده بيوضح نشاطه الكبير في نص الملعب.
الفتره الأخيره شهدت ابتعاده عن التشكيله الأساسيه لفريقه بسبب خلافات مع المدرب الجديد روبي كينراللي مسك الفريق من يناير اللي فات وده قلل دقايق لعبه بشكل واضح.
الأهلي استغل الموقف ده ونجح في حسم الصفقه قبل دخول أندية تانيه خصوصًا إن الفريق محتاج لاعب بخبرات بن رمضان في وسط الملعب.
الجماهير متفائله بانضمامه وبتأمل يكون ليه تأثير كبير مع الفريق خصوصًا في البطولات القويه اللي جاية.
