ليفربول بيلعب أول ماتش بعد التتويج وصلاح قدام أرقام تاريخيه
ليفربول هيظهر لأول مره بعد ما توّج رسميًا بالدوري الإنجليزي لما يواجه تشيلسي يوم الأحد ضمن منافسات الجوله 35 من البريميرليج وده بعد الفوز الكبير اللي حققه على توتنهام 5-1.
الفريق وصل للنقطه 82 في الجوله 34 وضمن اللقب وده خلى المدرب آرني سلوت ممكن يعمل شوية تغييرات في التشكيل، لكن محمد صلاح جاهز يكمل موسمه الخرافي.
صلاح بعد ماتش توتنهام وصل لـ28 جول و18 أسيست، وبقى أكتر لاعب مساهم في أهداف في موسم من 38 مباراه بتاريخ الدوري.
قدام تشيلسي صلاح بيدور على 3 أرقام قياسيه
لو ساهم في هدف واحد بس هيعادل الرقم القياسي لأكتر معدل مساهمات بـ47 هدف مع كول وشيرار
ولو جاب جولين هيوصل لـ187 هدف ويبقى رابع الهدافين التاريخيين للبريميرليج،
وكمان ناقصه أسيستين علشان يعادل أعلى رقم تمريرات حاسمه في موسم واحد اللي حققه هنري ودي بروين بـ20 أسيست.
الماتش ده مهم لصلاح شخصيًا عشان التاريخ والكل مستني يشوف هيعمل إيه قدام تشيلسي.
