دي بروين يفرح ملاكه في فانتازي ويكسبهم ٣٣ نقطه بضربة وحده
زف النجم البلجيكي كيفن دي بروين خبر حلو لعدد قليل جدًا من اللي حطوه تربيل كابتن في لعبة فانتازي الدوري الإنجليزي، بعد ما تألق وسجل هدف الفوز الوحيد لمانشستر سيتي قدام وولفرهامبتون.
دي بروين قاد السيتي للفوز بنتيجة 1-0 في الجولة 35 من البريميرليج وخرج من الماتش بـ11 نقطة في الفانتازي لكن حوالي 1000 مدرب فقط هم اللي صدقوا فيه وحطوه تربيل كابتن فكسب كل واحد فيهم 33 نقطة دفعه وحده
وبعد الماتش بساعات دي بروين بقى أكتر لاعب الناس اشترته في اللعبة بعدد ضخم وصل لـ14808 مدرب وكل ده بسبب هدفه وتألقه اللي رجّع ثقة الناس فيه من جديد.
اللاعب لسه قدامه 3 ماتشات مع مانشستر سيتي قبل ما الموسم يخلص، ضد ساوثامبتون وبورنموث وفولهام وده بيخلي ناس كتير تفكر تجيبه في فرقها على أمل يفرق معاهم في الجولات الأخيرة.
واضح إن دي بروين ناوي يختم الموسم بقوة وده اللي ممكن يخلي فرق الفانتازي تتقلب رأساً على عقب.
