لويس دياز يغيّر رأيه ويقفل باب الانتقال لبرشلونه رسميًا
بدأ نادي ليفربول الانجليزي يناقش موضوع تجديد عقد لاعبه الكولومبي لويس دياز، اللي بينتهي عقده الحالي في صيف 2027، بعد ما كانت فيه شائعات كثيره عن رحيله.
دياز ارتبط اسمه في الفتره الأخيره بالانتقال لبرشلونه وباريس سان جيرمان، خصوصاً في الميركاتو الصيفي اللي فات، لكن ليفربول رفض يفرّط فيه، خصوصًا بعد تألقه الملفت من يوم جاء من بورتو في يناير 2022 مقابل 50 مليون يورو.
برشلونه كان مهتم جدًا باللاعب، حتى إنهم جلسوا مع أبوه أكثر من مره، بس طلبات ليفربول الماديه العاليه خربت الصفقه.
حسب صحيفة “سبورت” الإسبانيه، دياز غير رأيه وما عاد يبغى يطلع من ليفربول، وفضل إنه يركّز مع فريقه الحالي، واللي بدأ بالفعل يناقش معاه التجديد بعد نهاية الموسم.
أما برشلونه، فحوّل وجهته لنجم أتلتيك بلباو نيكو ويليامز، بطلب من المدرب الجديد هانز فليك.
دياز ساهم بشكل كبير في تتويج ليفربول بلقب الدوري هالموسم، واللي خلا إدارة النادي تعيد حساباتها وتقرر التمسك فيه وتدعّم الفريق بدل ما تفرّط في نجومه.
