جولة ماتعة للمعتمرين من زيورخ وسط جدة القديمة بكرم الضيافة
في لفته إنسانية جميلة وضمن فعاليات التطوع لخدمة ضيوف الرحمن، أستضافت جمعية ضيوف جدة بالتعاون مع جمعية الدعوة والإرشاد وتوعية الجاليات بالرصيفة ونادي متطوعي جدة، أربعين معتمر ومعتمرة جايين من مدينة زيورخ السويسريه، وأخذوهم في جوله مميزة داخل جدة التاريخية.
الجولة كانت مليانه تفاصيل ثقافيه وتراثية، وتعرفو فيها المعتمرين على تاريخ المنطقة وأصالة البيوت القديمه والحكايات اللي تحكيها جدرانها. والجميل في الموضوع، إن الجو كله كان يعكس طيبة أهل جدة وحسن ضيافتهم، والمعتمرين نفسهم عبّرو عن سعادتهم بهذي الزيارة.
وأختتمت الزيارة في مسجد الشافعي داخل المنطقة التاريخيه، وقدمت الجمعيه للمعتمرين هدايا تذكاريه بسيطه لكن معبره، في لحظة كانت جدًا مؤثرة، خصوصاً بوجود روحانيه المكان وقدسيته.
اللي صار مو بس جوله، كان درس في كرم الضيافه السعودي الاصيل، وإحساس عالي بالمسؤولية تجاه ضيوف الرحمن، وكل الشكر للمتطوعين اللي بذلو جهد كبير علشان يطلع اليوم بهذا الشكل الراقي والبسيط في نفس الوقت.
