إنذار أحمر في مكه والطايف وأمطار غزيره مستمره للـ11 مساءً
المركز الوطني للأرصاد طلع قبل شوي بثلاث إنذارات حمراء بخصوص حالة جويه قويّه تضرب مناطق واسعه من منطقة مكه المكرمه والتحذير يخص بالأخص محافظة الطايف وعشيره، واللي متوقع تستمر الأمطار الغزيره فيها لين الساعه 9 بالليل.
لكن ما وقفت على كذا، الإنذار شمل كمان الخرمه والمويه وتربه ورنيه، واللي ممكن تستمر فيها الأمطار القويه والتقلبات الجويه لين الساعه 11 بالليل، يعني الليل بيكون ماطر وعاصف، فـ ضروري الكل ينتبه ويتجنب التنقل إلا للضروره.
المركز وضّح إن الأجواء مصحوبه برياح شديده ممكن تسبب شبه إنعدام في مدى الرؤيه، وكمان فيه تساقط بَرَد وجريان سيول، ومع احتماليه كبيره للصواعق الرعديه، واللي ممكن تشكل خطر على السلامه العامه.
الوضع فعلاً يحتاج حذر، ويفضل ماحد يطلع من البيت بهذي الساعات إلا للضروره القصوى، وخصوصاً في الطرق المكشوفه أو القريبه من الأوديه.
خلّكم متابعين لتحديثات الطقس أول بأول، ولا تهملون التحذيرات والإرشادات اللي تطلع من الجهات الرسميه، لأن الصحه والسلامه أهم شي.
