نانسي عجرم تتألق بحفل خيالي بالمتحف المصري الكبير وسط تفاعل جماهيري
أحيت النجمه اللبنانيه نانسي عجرم حفله كبيره في المتحف المصري الكبير، واللي حضره جمهور ضخم من كل الجنسيات العربيه والاجنبيه، وكان الحفل حاجه كده من عالم تاني، كله طرب وحب وفرح.
نانسي طلعت على المسرح بفستان شيك وتألقت بصوتها كالعادة، وقدمت مجموعه من أجمل أغانيها الرومانسيه اللي الجمهور فضل يغني معاها طول الحفل، واللي استمر حوالي ساعتين من الطرب والحماس.
وشكرت نانسي في وسط الحفل كل اللي ساعدوا في نجاح الليله الجميله دي، بداية من الحضور، وكمان د. سمير غرابه، د. هاني نبيل، المهندس عبد السلام غرابه، والمنتج ياسر الحريري، وأحمد السويسي، والمصمم تامر فوزي، ومهندس الإضاءة وليد الحريري.
وكانت المفاجأه كمان مشاركة فرقة “واما” اللي ضافوا للحفل نكهة خاصه، وغنوا فقره كامله تفاعل معاها الناس بشكل كبير، وقدموا أحلى ما عندهم.
نانسي حضرت مع مدير أعمالها جيجي لامارا، وكان في استقبالهم المنتج ياسر الحريري، وسط ترحيب كبير.
الحفل كان مليان مشاعر، ومفيش حد حضر إلا وخرج مبسوط على الآخر.
