الأرقام ترجّح كفة الأهلي قبل نهائي آسيا ضد كاواساكي الياباني
قبل المواجهة المرتقبة في الرياض، الأرقام بتقول إن الأهلي داخل النهائي الآسيوي وهو في وضعية أحسن من كاواساكي الياباني والعملاق السعودي قدر يحقق 11 فوز في مشواره بدوري أبطال آسيا، وتعادل مرة واحدة بس قدام استقلال طهران، في حين إن كاواساكي فاز 8 مرات وخسر 3، وده بيدي الأفضلية الرقمية لممثل غرب آسيا.
كمان من ناحية الهجوم، الأهلي كان مرعب وسجّل 32 هدف، مقابل 23 بس لمنافسه الياباني وده بيأكد إن الفريق السعودي عنده قوة هجومية ضاربة، وقدر يحسم مباريات كتير بفضل الهجوم الفعال وأما على مستوى الدفاع، فالفارق بسيط، الأهلي استقبل 10 أهداف، وكاواساكي دخل فيه 9، يعني تقارب كبير بين الفريقين.
لكن كاواساكي اتفوق في عدد المباريات اللي خرج فيها بشباك نظيفة، بـ6 مباريات مقابل 4 للأهلي، وده ممكن يدي الفريق الياباني أفضلية دفاعية، بس برضو الأهلي عنده حلول هجومية كتير قادرة تكسر أي تكتل.
الجمهور متحمس والكل مستني يشوف النهائي الكبير، اللي هيجمع بين فريقين عندهم طموح وحلم برفع الكأس القارية.
