الرئيس السيسي بيتابع تطوير محطة الزهراء وبيوجه برفع كفائتها الكامله
اجتمع الرئيس عبد الفتاح السيسي النهارده مع وزير الزراعة علاء فاروق والفريق أشرف زاهر مدير الأكاديمية العسكرية علشان يتابعوا آخر تطورات مشروع تطوير محطة الزهراء للخيول العربية الأصيلة في منطقة عين شمس.
وقال السفير محمد الشناوي المتحدث الرسمي إن الاجتماع ناقش خطوات رفع كفاءة المحطة واللي بتعتبر من أعرق المزارع في العالم وده بسبب السلالات العربية النادرة اللي عندها وبيتم التطوير بالاستعانة بخبراء وتقنيات حديثة علشان توصل المحطة لأعلى مستويات الجودة.
كمان تم استعراض الاستعدادات لنقل الخيول للمقر الجديد في العاصمة الإدارية اللي اتبنى بمواصفات عالمية وبيستوعب حوالي 1000 حصان وكمان فيه مستشفى بيطري متكامل يخدم الخيول.
وأكد السيسي في الاجتماع إن افتتاح المقر الجديد لازم يتزامن مع مهرجان محطة الزهراء السنوي في 2025 ووجه بدراسة شاملة لرفع كفاءة المحطة القديمة في عين شمس كمان شدد على أهمية تدريب الكوادر واستخدام الرقمنة والميكنة علشان نحافظ على الإرث المصري ونصدر سلالات مميزة للعالم.
