تشافي هيرنانديز يقترب من تدريب الهلال بعد رحيل خيسوس رسميًا
بعد ما أعلن نادي الهلال صباح النهارده السبت عن إقالة المدرب البرتغالي خورخي خيسوس بشكل رسمي، بدأت التكهـنات تزيد حوالين مين هيكون المدير الفني الجديد للفريق الأول.
وذكرت شبكة سكاي سبورتس إن المدرب الإسباني تشافي هيرنانديز، اللي كان مدرب برشلونة قبل كده، بيعتبر من أبرز الأسماء المرشحه لتدريب الهلال في الموسم الجاي، خصوصًا إنه حاليًا من غير نادي.
تشافي عنده خبره مش بسيطه، وسبق وحقق الدوري الإسباني مع برشلونة، وكمان حصد بطولات محليه لما كان مدرب في نادي السد القطري، وده بيخليه اختيار قوي لإدارة الهلال، اللي ناويه تجهز الفريق بأفضل طريقه علشان بطولة كأس العالم للأندية 2025 اللي هتتلعب في يونيو.
الهلال هيواجه فرق كبيره زي ريال مدريد، وسالزبورغ النمساوي، وباتشوكا المكسيكي، علشان كده الإدارة عايزه مدرب على مستوى عالي يقود الفريق.
لحد دلوقتي مفيش حاجه رسميه بخصوص التعاقد مع تشافي، بس الجماهير مترقبه ومتحمسه، وبتتمنى يشوفوه في دكة بدلاء الزعيم قريب.
