السيسي يعلن قانون العمل الجديد ويوجه بحماية العماله المنزليه
شارك الرئيس عبد الفتاح السيسي النهارده في احتفالية عيد العمال اللي اتعملت في شركة السويس للصلب في مدينة السويس واللي كانت وسط حضور كبير من قيادات العمال ومسؤولين من الحكومة.
وأعلن الرئيس خلال الكلمه بتاعته إنه وقّع على قانون العمل الجديد واللي بيعتبر نقله كبيره فى ملف حقوق العمال وبيأكد على استحقاقات واضحه للعمال وكمان بيهتم بحقوق الستات الشغالات وبيزود ضمانات الأمان الوظيفي وكل ده بما يتماشى مع الاتفاقيات الدوليه.
وكمان وجّه الرئيس السيسي الحكومه بكام حاجه مهمين أولهم الإسراع في الانتهاء من قانون العماله المنزليه مع عمل حوار مجتمعي عليه.
ثاني حاجه التوسع في الحمايه الاجتماعيه للعماله غير المنتظمه وكمان صرف إعانات وقت الوفاه.
ثالث توجيه إطلاق مبادره لتدريب وتأهيل الشباب حسب متطلبات السوق وده هيكون من خلال منح مجانيه.
أما التوجيه الرابع فكان بخصوص سرعة البت في القضايا العماليه علشان الناس تاخد حقوقها من غير تعطيل.
الاحتفال كان مليان رسائل دعم وتقدير من الرئيس للعمال باعتبارهم الأساس في بناء الجمهوريه الجديده.
