الأهلي يطارد حلمه الآسيوي ضد كاواساكي في نهائي ناري بجدة
الكل في جدة مستني اللحظة الكبيرة الأهلي السعودي بيستعد يكتب فصل جديد من تاريخه لما يواجه كاواساكي فرونتالي الياباني في نهائي دوري أبطال آسيا على ملعب الإنماء، وسط حضور جماهيري ضخم ممكن يوصل لـ 60 ألف مشجع.
الأهلي داخل اللقاء وعينه عاللقب القاري الأول في تاريخه، بعد ما كان قريب جدًا سنة 2012 لكنه خسر النهائي وقتها قدام أولسان هيونداي 3-0 والمرة دي الوضع مختلف الفريق شكله ناضج أكتر، وجاهز يحسمها.
مشوار الأهلي في البطولة كان مثالي… عدّى الريان القطري رايح جاي، وبعدين شال بوريرام يونايتد في ربع النهائي، وأخيرًا فاجأ الكل وفاز على الهلال 3-1 في نصف النهائي. جمهور الأهلي شايف إن الفرصة دي ممكن تكون “الفرحة المنتظرة”.
أما من الناحية الفنية، المدرب بيراهن على عناصر قوية، زي توني اللي بيعيش أحلى فتراته، ومحرز اللي دايمًا عنده الحلول، وجالينو اللي قلب الفريق هجوميًا، وفيرمينو اللي خبرته بتفرق في لحظات الحسم.
كاواساكي كمان مش جاي يتمشى الفريق الياباني بيوصل للنهائي لأول مرة في تاريخه، وده بحد ذاته إنجاز كبير ليهم وبس المواجهة قدّام الأهلي في جدة وبين جماهيره، مش سهلة أبدًا.
هل يقدر الأهلي يحقق الحلم وينهي القصة الجميلة دي برفع الكأس؟ ولا كاواساكي يعمل المفاجأة؟ الجواب قريب، وكلنا على أعصابنا ننتظر صافرة النهاية.
