الرئيس السيسى بيشارك فـ احتفال عيد العمال وبيعلن قانون العمل الجديد
شارك الرئيس عبد الفتاح السيسي النهارده فـ احتفالية عيد العمال اللى اتعملت بشركة السويس للصلب بمدينة السويس وسط حضور كبير من القيادات والعمال.
المتحدث الرسمي قال إن الاحتفال شمل عرض أفلام عن عمال مصر وشركة السويس للصلب واتكلم فيه الفريق كامل الوزير ومحمد جبران وزير العمل وعبد المنعم الجمل رئيس اتحاد العمال اللى قدم درع الإتحاد للريس وكمان رفيق ضو من مجلس إدارة الشركه.
السيسي شاف كمان عبر الفيديو كونفرانس مشاريع صناعية من القطاع الخاص وبعدها كرم عدد من العمال وافتتح المرحلة التانيه من مصنع السويس للصلب.
وفـ كلمته، الريس وجه التحية للعمال، وقال إنهم الأساس فـ التنمية وأعلن رسميًا توقيع قانون العمل الجديد اللى بيدّي حقوق أكتر للعمال وبيأمن مستقبلهم، وكمان بيحافظ على حقوق الست الشغالة.
ووجه الحكومة تخلص قانون العمالة المنزليه، وتوسع الحماية الاجتماعية، وتعمل منح لتدريب الشباب وكمان تسرّع حل قضايا العمال فـ المحاكم.
واختتم كلمته بجملة تحيا مصر 3 مرات، وأكد إن البلد ماشية لقدام رغم كل التحديات
